Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеМатур булыйк → Нәфис, яшь, сыгылмалы...

Нәфис, яшь, сыгылмалы...

Камилә Димөхәммәтова
Камилә Димөхәммәтова
21 июня 2018
560 карау
Билгеле бер вакыт җиткәч хатын-кызлар тирене яшь килеш саклау турында
уйлана башлыйлар. Бүген мин сезгә мунча кергәндә кулланыла торган берничә
алымны китермәкче булам. Шушы гади генә киңәшләр тәннең
сыгылмалылыгын һәм матурлыгын сакларга булыша.
Мунчадагы эсселектән тирегә кан килү ешая. Матдәләр алмашы яхшыра,
тиредәге тишекләр ачыла, чистара. Әгәр мунчада менә бу алымнарны
куллануны гадәткә кертсәгез, тирегез иркен сулый башлый.

1. Кофе скрабы. Кыйммәтле салон процедураларын да алыштыра ала ул.
Кофе скрабы тәннең өске катламындагы үле күзәнәкләрне юып төшерә,
тирене яшәртә, аның эластиклыгын арттыра. Кофеин тәнгә май катламы
утырулар, целлюлит белән дә көрәшә, варикоз вакытында веналар
киңәйгәндә әйбәт дәва чарасы буларак кулланыла.

Минем кофе скрабы рецепты бик гади:
тарттырылган кофены яки кофе куесын алабыз (термаль эшкәртелмәгән кофе
файдалы матдәләргә бик бай, ләкин андый кофе тиренең төсен бераз үзгәртә);
аңа ике тапкыр күбрәк күләмдә бал һәм берничә тамчы зәйтүн мае, шулай ук
яраткан эфир майларын (мин апельсин маен кулланам) кушабыз.Скрабны пар
бүлмәсенә икенче йә өченче керүдә куллансаң яхшырак. Проблемалы
урыннарга аеруча игътибар итеп, тән тиресен җайлап кына ышкыйбыз.
Җайлырак булсын өчен мунчала, массажер яки бияләйдән файдаланырга була.

2. Тоз скрабы. Кофе скрабын юып төшергәннән соң, чиратта тоз скрабы көтә.
Ул тирене магний, тимер, йод һәм башка микроэлементлар белән баета. Тоз
скрабы шулай ук целлюлиттан котылырга һәм тиренең сыгылмалылыгын
сакларга булыша.

Минем тоз скрабы рецепты:
тоз һәм балны 1:1 бәрабәрендә болгатабыз, бераз май кушабыз – зәйтүн мае,
персик, абрикос майлары яхшы (мин персик маен кулланам). Диңгез тозы
яхшырак, ләкин аны вакларга туры киләчәк. Гади тоз да ярый, аны инде ваклап
торасы юк.

3. Солы скрабы. Ул күзәнәкләрдән токсиннарны чыгара, тишекләрне чистарта,
эластин һәм коллаген эшләнеп чыгуын тәэмин итә, берникадәр вакыттан соң
тире тартылып тора башлый. Солы скрабы тиренең су балансын саклый һәм
аны дымлы тота, кан йөрешен яхшырта, тирене яңарта. Шул ук вакытта солы
составындагы Е витамины актив рәвештә яшәртү үзлегенә ия, тиредәге кечкенә
яраларны да дәвалый. Мондый скраб тәнгә генә түгел, биткә дә файдалы. Ул
бетчәләрне, кара нокталарны, пигмент тапларын бетерә.

Минем солы скрабы рецепты:
солыны блендерда ваклыйбыз, 2:1 күләмендә балчык белән бутыйбыз,
киптерелгән ромашка, шалфей яки башка берәр үләнне кушабыз. Тоз скрабын
юып төшергәч, солы скрабына су кушабыз һәм аның бүртүен көтәбез. Тәнгә
сылап, 5-10 минут көтәбез, тирене йомшак кына угалап, юып төшерәбез.
Процедуралардан соң салкынча су белән коенып, үзебез яраткан тән кремын
сөртәбез. Атнага бер тапкыр әлеге процедуралардан файдалана алсагыз, тирегез
нәфис, яшь, сыгылмалы булыр.

фото: pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com