Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битФоторепортаж → Тормыш буяулары

Тормыш буяулары

Рәмзия Кашапова
Рәмзия Кашапова
24 мая 2019
195 карау
ашкалардан аерылып торган баланың берәүнекенә дә охшамаган үз дөньясы бар. Физик мөмкинлеге чикләнгән ул сабыйларның күзләренә генә карагыз: яшисе, шатланасы, бәхетле буласы килү теләге никадәр көчле аларда! Тормышны шулкадәр яратуларына сокланасы гына кала.

Сәламәтлеге чикләнгән балалар яши торган 4 нче интернат-йортка без бик дулкынланып бардык. Аз хәрәкәтләнү психоэмоциональ халәттә чагылмый калмый шул. Шуңа күрә «Краски жизни» («Тормыш буяулары») иҗади командасының максаты да һәрьяклап шул балаларга таяныч булуга кайтып кала:  осталык дәресләре биреп, иҗади сәләтләрен үстерүдә ярдәм итү, тормышларын шатлыклы вакыйгалар белән баету,  үзләренең иҗат проектларын тормышка ашырырга булышу. 

«Сәламәт яшәү мөмкинлеге чикләнгән һәм ятим балалар өчен Арт-терапия» коммерцияле булмаган автоном оешмасы һәм «Краски жизни» («Тормыш буяулары») иҗат командасы ул балаларны сөендерергә ашыга. Кайчак кулына калак та тота алмаган балалар рәссам яшьтәшләренекеннән һич калышмаслык картиналар ясый башлый.

Әлеге проект – физик мөмкинлеге чикләнгән балалар белән инновацион комплекслы метод – балалар психологы тәкъдим иткән Арт-терапия методикасын кулланып эшләүгә нигезләнгән. Сәнгатьнең заманча техникасыннан файдаланып, адаптацияле дәресләр  бирәләр, баланың потенциалын ачуга һәм ышанычлы дустанә мөнәсәбәт урнаштыруга юнәлтелгән эшләрне психолог алып бара –  бу методның уникальлеге менә шунда. Балалар йортлары һәм интернатларында яшәүче физик мөмкинлеге чикләнгән балаларны тернәкләндерү шул программа буенча алып барыла. Мәдәният һәм сәнгатькә якынаю, иҗат белән шөгыльләнү, иҗат кешеләре белән очрашулар үткәрү балаларның иҗади мөмкинлекләрен ачарга, дөньяны танып белү офыкларын киңәйтергә, үзләрен шәхес итеп тоярга ярдәм итә. 
 Битараф булмаган кешеләрне туплаган әлеге иҗади команда, һәрвакыт килеп йөреп, вакытны бергәләп кызыклы һәм файдалы итеп үткәреп, бу балаларда яхшы киләчәккә өмет уята, алга таба ышаныч белән яшәргә рухи көч бирә. Гел бертөрле соры тоелган тормышларын матур төсләр, уңай эмоцияләр белән тулыландыра. 

Проект командасы:
Анастасия Абдрашитова – рәссам, проект җитәкчесе
Ирина Зубцова – балалар психологы, рәссам
Ольга Филимонова – социаль-мәдәни сфера менеджеры
Михаил Краев – рәссам-график
Проектның мәгълүмати партнеры  – «Сөембикә» журналы редакциясе       

Рәмзия Кашапова
Эльмира Закирова тәрҗемәсе 
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com